إشراقة شمس

دائماً ما اكررها وربما تكون مكررة في صفحات مدونتي

لتكرار الالم بقلبي..

أهديها من اعماق قلبي لمن طعنه وكل من طعن هذا القلب البريء..

ماتبيه يصير أبشر لاتضيق

لك عهد مني لأحقق لك مناك

طول عمري عشت لك خير الرفيق

وتضحياتي كلها قصدي رضاك

ببتعد عنك وابترك هالطريق

دام هذي رغبتك حقك معاك

المشاعر كل أبوها للحريق

لو لها قدر تجنبها خطاك

والله لو اني من الفرقى غريق

ما أذل النفس لحظة في رجاك

أبشر بعزك حبيبي لاتضيق

كانها الفرقى بحقق لك مناك

ما اظن اني بموت من العذاب

مراحلة صعبة واعديها بخير

المشاعر بعتها برخص التراب

دام قلبك مايصحيه الضمير

واوعدك اني بهاجر للغياب

واعترف الايام ضرتني كثير

كنت اشوفك ابيض مثل السحاب

كنت اشوفك في نظر عيني كبير

لاتجادل مابقى عندي جواب

حبنا صار مثل طير كسير

وش اخذ العطشان من ذاك السراب

وهو يتروى له وهو يظن انه غدير

اعترف قلبي تعب منك وتاب

والسبب انه من جنونه يغير

اي احبك بس انا ذقت العذاب

ولا اظن انك راضي بالي يصير

البكا مايعرف الي مايهاب

البكى عالم وانا وسطه ضرير

بيني وبينك بصك مليووون باب

دام بعينك انا صرت الاخير

لك الله ياقلبي المُعنى